УСМАНОВ Ғайса Мортаза улы [20.11.1925, БАССР‑ҙың Тамъян‑Ҡатай кантоны Ахун а. (БР‑ҙың Учалы р‑ны) — 1.8.2005, шунда уҡ], педагог. БАССР мәктәбенең атҡ. уҡытыусыһы (1980). Б.В. һуғышында ҡатнашыусы. Магнитогорск пед. ин‑тын тамамлаған (1953). 1950 й. алып Учалы р‑нының Ахун урта мәктәбе уҡытыусыһы, 1955 й. — дир. урынбаҫары, 1957—86 йй. директоры. 1‑се дәрәжә Ватан һуғышы (1985), Хеҙмәт Ҡыҙыл Байраҡ (1966), 2‑се (1947) һәм 3‑сө (1944) дәрәжә Дан орд. м‑н бүләкләнгән. У. исеме Ахун урта мәктәбенә бирелгән (2008).

Р.Х.Насиров

Тәрж. Ғ.Р.Бердина