ФАЯЗОВ Радик Рәдиф улы (28.7.1960, БАССР‑ҙың Бүздәк р‑ны Арыҫлан а., хәҙ. БР‑ҙың ш. уҡ р‑ны Арыҫлан а.), хирург. Мед. ф. д‑ры (2000), проф. (2009). БДМИ‑ны тамамлағандан һуң (1989) Өфөнөң 6‑сы дауаханаһында, 1990 й. алып Шишмә үҙәк район дауаханаһында, 1993—95 йй. — ашығыс мед. ярҙамы дауаханаһында, 1998 й. — 8‑се дауаханала (икеһе лә — Өфө) эшләй. 1999 й. башлап БДМУ‑ның дипломдан һуң белем биреү ин‑ты уҡытыусыһы. Фәнни эшмәкәрлеге ҡорһаҡ ҡыуышлығы ағзалары ауырыуҙарын хирургик дауалау, колопроктология, хирургик инфекциялар һәм күҙәнәк терапияһы мәсьәләләренә арналған. Ф. ҡатнашлығында ағзаларҙы һаҡлап ҡалыуҙа, алыштырыуҙа оператив ярҙам итеү ысулдары һәм абдоминаль хирургияла, гинекологияла минималь инвазив үтеп инеү, ҡорһаҡ ҡыуышлығында операциянан һуң өҙлөгөүҙәр үҫешен иҫкәртеү алымдары эшләнгән, хирургик практикаға күҙәнәк технологиялары һ.б. индерелгән. 430‑ҙан ашыу фәнни хеҙмәт һәм 23 уйлап табыу авторы. БР‑ҙың фән һәм техника өлкәһендәге Дәүләт пр. лауреаты (2007).

Х е ҙ м.: Хирургия абдоминальных повреждений. М., 2005 (авторҙ.); Эндоскопическое визуальное обследование органов брюшной полости. Уфа, 2009 (авторҙ.); Трансплантация селезёночной ткани и стволовых клеток в эксперименте и клинической практике. М., 2010 (авторҙ.).  

Тәрж. Г.Ҡ.Ҡунафина

Текст на русском языке

 

 

Яндекс.Метрика