ҮҪТЕМ, Баҡалы р‑нындағы ауыл, Ҡамышлытамаҡ а/с ҡарай. Р‑н үҙәгенән К. 30 км һәм Туймазы т. юл ст. Т. табан 50 км алыҫлыҡта Соҡай й. (Сөн й. ҡушылдығы) буйында урынлашҡан. Халҡы: 1906 й. – 545 кеше; 1920 – 523; 1939 – 555; 1959 – 357; 1989 – 220; 2002 – 190 кеше. Татарҙар, башҡорттар йәшәй. Ү. – “Үҫтем” АХПК‑ның үҙәк усадьбаһы. Башланғыс мәктәп, фельдшер‑акушерлыҡ пункты, клуб бар.

Ауылға Бәләбәй өйәҙе Ҡырғыҙ улусы башҡорттары үҙ ерҙәрендә нигеҙ һала, 1786 й. алып билдәле. Бында керҙәшлек килешеүе б‑са 1859 й. тиклем типтәрҙәр килеп ултыра. 1865 й. 48 йортта 265 кеше йәшәгән. Малс‑ҡ, игенселек, умарт‑ҡ м‑н шөғөлләнгәндәр. Мәсет, 2 һыу тирмәне булған. 1906 й. мәсет, һыу тирмәне, бакалея кибете, мөгәзәй теркәлгән. Т.Л.Нурҡаев ошо ауылда тыуған.

Тәрж. Р.Ғ.Ғилманов

 

Яндекс.Метрика