• Печать

ҮРГЕ ШӘКӘР, Стәрлебаш р‑нындағы ауыл, Һарайҫа а/с ҡарай. Район үҙәгенән К.‑Көнс. 27 км һәм Стәрлетамаҡ т. юл ст. К.‑Көнб. табан 45 км алыҫлыҡта Күндерәк й. буйында урынлашҡан. Халҡы: 1906 й. – 299 кеше; 1920 – 287; 1939 – 313; 1959 – 293; 1989 – 201; 2002 – 194; 2010 – 168 кеше. Башҡорттар йәшәй (2002). Башланғыс мәктәп (Йәлембәт урта мәктәбе филиалы), балалар баҡсаһы, фельдшер‑акушерлыҡ пункты, клуб (“Күндерәкәй” башҡорт халыҡ фольклор ансамбле) бар.

Ауылға 18 б. 2‑се ярт. Нуғай даруғаһы Юрматы улусы башҡорттары үҙ ерҙәрендә Шәкәр исеме (тәүге төпләнеүсенең исеменән, уның улдары Әхмәт һәм Байназар Шәкәровтар билдәле) м‑н нигеҙ һала. 1795 й. 15 йортта 54 кеше йәшәгән, 1865 й. 32 йортта – 196 кеше. Игенселек, малс‑ҡ, умарт‑ҡ м‑н шөғөлләнгәндәр. Мәсет, мәктәп булған. 1906 й. шулай уҡ һыу тирмәне теркәлгән. 20 б. 30-се йй. алып Әлимғужа а. исеме Түбәнге Шәкәр тип үҙгәртелгәндән һуң хәҙ. исемен ала. Н.А.Байкова ошо ауылда тыуған.

Тәрж. Р.Ғ.Ғилманов