ҮРГЕ ҮТӘШ, Балаҡатай р‑нындағы ауыл, Үтәш а/с ҡарай. Район үҙәгенән К. 9 км һәм Үңкерҙе т. юл ст. (Силәбе өлк.) К.‑Көнб. табан 46 км алыҫлыҡта Тәршә й. (Әй й. басс.) буйында урынлашҡан. Халҡы: 1920 й. – 465 кеше; 1939 – 321; 1959 – 298; 1989 – 212; 2002 – 266; 2010 – 248 кеше. Башҡорттар йәшәй (2002). Башланғыс мәктәп (Түбәнге Үтәш урта мәктәбе филиалы), фельдшер‑акушерлыҡ пункты, клуб бар.

Ауылға 1906 й. һәм 1913 й. араһында Златоуст өйәҙе терр‑яһында ш. уҡ өйәҙҙең Үтәш а. (хәҙ. Түбәнге Үтәш а.) кешеләре бүлендек ауыл булараҡ нигеҙ һала.

Х.Ғ.Байморатова, Ә.З.Әсфәндиәров

Тәрж. Р.Ғ.Ғилманов

Яндекс.Метрика