УҘЫТАМАҠ, Шишмә р‑нындағы ауыл, Алкин а/с үҙәге. Район үҙәгенән Т.‑Көнс. 21 км һәм Алкин т. юл ст. Т. табан 1 км алыҫлыҡта Уҙы й. (Дим й. басс.) буйында урынлашҡан. Халҡы: 1906 й. — 282 кеше; 1920 — 393; 1939 — 550; 1959 — 320; 1989 — 310; 2002 — 411 кеше. Татарҙар, башҡорттар йәшәй. Халҡы “Салауат ис. агрохужалыҡ” ЯСЙ‑нда эшләй. Китапхана  бар.

    Ауылға 1790 й. керҙәшлек килешеүе б‑са Өфө өйәҙе Ҫыбы‑Мең улусы башҡорттарының аҫаба ерҙәрендә Ю.А.Алкиндың алпауыт крәҫтиәндәре бәләкәй ауыл булараҡ нигеҙ һала. Шулай уҡ Алкин, Михайловка, Софьино исемдәре м‑н билдәле булған. 1865 й. 30 йортта 176 кеше йәшәгән. Игенселек, малс‑ҡ, умарт‑ҡ, ҡымыҙ эшләү м‑н шөғөлләнгәндәр. Мәсет, училище, һыу тирмәне булған. 1906 й. мәсет, һыу тирмәне, бакалея кибете, ҡымыҙ оҫтаханаһы, мөгәзәй теркәлгән; ауылда Шәйхәле усадьбаһы теркәлгән.

Г.Т.Хөсәйенова, Р.И.Янғуразов

Тәрж. Р.Ғ.Ғилманов