СУТЯГИН Александр Васильевич (12.8.1915, Ырымбур губ. Верхнеурал өйәҙе Магнитный ҡсб – 10.1.1991, Ленинград, Өфөлә ерләнгән), йырсы (лирик‑драматик баритон). РСФСР‑ҙың халыҡ (1955) һәм атҡ. (1954), БАССР‑ҙың халыҡ (1949) һәм атҡ. (1946) артисы. Башҡ. музыка уч‑щеһын (1936; А.Чернов‑Шер класы), Мәскәү консерваторияһы эргәһендәге Башҡ. студияһын (1943; М.В.Влади-мирова класы) тамамлаған. 1941 й. алып БДОБТ (бер үк ваҡытта Б.В. һуғышы йылдарында БАССР ХКС‑ы эргәһендәге Респ. радиолаштырыу ком‑ты дикторы), 1957–75 йй. Бәләкәй опера һәм балет театры (Ленинград) солисы. Бай тембрлы матур көслө тауышҡа, камил дикция, колоритлы сәхнә ҡиәфәтенә эйә булған; башҡарыу сәнғәте сағыу темперамент, ҙур актёрлыҡ оҫталығы м‑н айырылып торған. Опера һәм балет театры сәхнәһендә Амонасро (“Аида”), Жермон (“Травиата”; икеһе лә – Дж. Верди), Эскамильо (“Кармен”, Ж.Бизе), Онегин (“Евгений Онегин”, П.И.Чайковский), Грязной (“Батша кәләше” – “Царская невеста”, Н.А.Римский‑Корсаков) һ.б. партияларҙа сығыш яһаған. Максим (“Азат”, Р . Ә .Мо р т а з и н ) , Пугачёв (“Салауат Юлаев”), голландец [Р.Вагнерҙың “Осоп барған голландец” (“Летучий голландец”) операһының Рәсәйҙәге премьераһы] партияларын тәүге башҡарыусы. Концерт репертуарында йырҙар, романстар, сит ил һәм ватан композиторҙары операларынан ариялар һәм дуэттар. СССР‑ҙың халыҡ артисы С.Я.Лемешев м‑н сығыш яһаған. Мәскәүҙә Башҡорт әҙәбиәте һәм сәнғәте декадаһында ҡатнаша (1955). СССР һәм сит илдәр буйлап гастролдәрҙә була.

Әҙәб.: Х ө с н и й ә р о в С.Д. Иҫтә, һаман да иҫтә… Өфө, 1996.

Тәрж. Г.Һ.Ризуанова

 

Яндекс.Метрика