СӨНҒӘТУЛЛИНА Зилә Даян ҡыҙы (30.7.1949, БАССР‑ҙың Ҡыйғы р‑ны Үрге Ҡыйғы а.), йырсы (лирик-колоратур сопрано), педагог. Проф. (1998). РФ‑тың (1995), ТАССР‑ҙың (1980), Ҡарағалпаҡ АССР‑ының (1980) халыҡ, РСФСР‑ҙың атҡ. (1985) артисы. Ҡазан консерваторияһын тамамлағандан һуң (1973; В.А.Лазько класы) Татар опера һәм балет театры солисы, бер үк ваҡытта 1983 й. алып Ҡазан консерваторияһында уҡыта, 1998 й. – яңғыҙ йырлау каф. мөдире. Сағыу драматик һәләтле, баҙыҡ, матур тембрлы көслө тауышҡа эйә булған йырсы. Төп партиялары: Виолетта (“Травиата”), Джильда (“Риголетто”; икеһе лә – Дж.Верди), Розина (“Севилья цирюльнигы” — “Севильский цирюльник”, Дж.Россини), Иоланта (ш. уҡ исемле опера), Татьяна (“Евгений Онегин”; икеһе лә – П.И.Чайковский), Марфа (“Батша кәләше” — “Царская невеста”, Н.А.Римский-Корсаков). Репертуарында урыҫ, татар комп. романстары, татар халыҡ йырҙары. СССР һәм сит илдәр (Бөйөк Британия, Германия, Финляндия, Франция, Швейцария һ.б.) буйлап гастролдәрҙә була. ТАССР‑ҙың Ғ.Туҡай ис. Дәүләт пр. лауреаты (1984).

А.Р.Сабирова

Тәрж. Г.Һ.Ризуанова

 

Яндекс.Метрика