СОЛТАНОВ Илдар Мәхмүт улы (19.3.1952, БАССР‑ҙың Дүртөйлө р‑ны Исмаил а.), кларнетсы, педагог. БР‑ҙың атҡ. сәнғәт эшмәкәре (2002). ӨДСИ‑не тамамлаған (1978; Г.М.Багдасарян класы), Гнесиндар ис. Муз.‑пед. ин‑тында (Мәскәү, 1982; етәксеһе М.П.Мозговенко) стажировка үтә. 1977 й. алып ӨДСА‑ла эшләй: 1980 й. — тынлы һәм һуҡма муз. ҡоралдары каф. мөдире вазифаһын башҡарыусы, 1983—88 йй. һәм 2003—04 йй. мөдире; бер үк ваҡытта 1976 й. башлап урта махсус муз. колледжында һәм 1988 й. – Ғ.Әлмөхәмәтов ис. Респ. гимназия‑интернатында уҡыта. 1980—81 йй. БДОБТ оркестры, 1993—94 йй. БР‑ҙың Милли симфоник оркестры музыканты. С. башҡарыу сәнғәте үҙенсәлеклелеге, техник оҫталығы, стилистик аныҡлығы м‑н айырылып тора. Репертуарында Л.Бетховен, И.Брамс, В.А.Моцарт, Ф.Шопен, А.Т.Гречанинов, С.В.Рахманинов, И.Ф.Стравинский, С.Ә.Низаметдинов, Р.Н.Сабитов, Р.В.Сәлмәнов һ.б.яңғыҙ, ансамбль һәм оркестр өсөн әҫәрҙәре. Ф.М.Ғафуров, З.Ғ.Исмәғилев, Р.Р.Йыһанов, А.Т.Кәримов, Р.Ғ.Ҡасимов, И.И.Хисаметдинов әҫәрҙәрен тәүге башҡарыусы. Рәсәй буйлап гастролдәрҙә була. Республиканың төп педагог‑кларнетсыһы. Уҡыусылары араһында РФ‑тың атҡ. мәҙәниәт хеҙм‑ре С.Т.Кузнецов, БР‑ҙың — А.С.Матвеев, А.В.Чешмит, БР‑ҙың атҡ. артисы А.М.Үмәрғәлин, Бүрәт Респ. — А.К.Шмельков, Р.Н.Юлдашев. Методик хеҙмәттәр һәм уҡыу әсбаптары авторы. “Алтын феникс” (“Золотой феникс”) халыҡ‑ара фестиваль-конкурсы (Мәскәү), тынлы һәм һуҡма муз. ҡоралдарында уйнаусы‑музыканттар конкурсы (Тольятти ҡ.; икеһе лә – 2006) дипломанты.

Р.Г.Сәғәҙиева

Тәрж. Г.Һ.Ризуанова

Яндекс.Метрика