СОЛТАНГӘРӘЕВТАР, цирк артистары ғаиләһе, һыбайлылар. Миҙхәт Сәйфулла улы С. (17.2.1952, БАССР‑ҙың Баймаҡ р‑ны Юлыҡ а.), БАССР‑ҙың халыҡ (1984) һәм атҡ. (1979) артисы. Өфө циркы эргәһендәге Башҡ. цирк студияһын тамамлағандан һуң (1973) “Башҡортостан егеттәре” атлы цирк труппаһында ҡатнашыусы, 1981 й. алып художество етәксеһе, 2005 й. башлап Өфө циркының хеҙмәтте һаҡлау б‑са инженеры. Римма Рәүеф ҡыҙы С. (12.8.1953, БАССР‑ҙың Дәүләкән р‑ны Исмәғил а.), БАССР‑ҙың атҡ. артисы (1984). Башҡ. цирк студияһын тамамлағандан һуң (1973) 1974 й. тиклем “Бал ҡорттары” художество‑акробатик төркөмөндә эшләй, 1976 й. алып “Па-де-труа” атлы номерында ҡатнашыусы, 1980 й. — етәксеһе була, бер үк ваҡытта 1982—2005 йй. “Башҡортостан егеттәре” труппаһында ҡатнаша. Илдар Миҙхәт улы С. (17.3.1975, Өфө), БР‑ҙың атҡ. артисы (1998). Рәсәй физик культура акад. тамамлаған (Мәскәү, 2000). 1987—2005 йй. “Башҡортостан егеттәре” труппаһында ҡатнашыусы. Рәсәй һәм сит илдәр (Бельгия, Германия, Ҡытай, Монголия, Төркиә һ.б.) буйлап гастролдәрҙә булалар.

Тәрж. Р.Р.Абдрахманов

Илл.: Цирк артистары Солтангәрәевтәр “Башҡортостан егеттәре” номерында

Яндекс.Метрика