СОЛОГУБ Наталья Александровна (3.10.1977, Стәрлетамаҡ ҡ.), балет артисы. Өфө хореография уч‑щеһын тамамлаған (1994; педагогы Л.С.Ҡыуатова). 1992 й. алып БДОБТ, 1998 й. – Мариин театры (С.‑Петербург), 2006 й. – Дрезден ҡ. балет труппаһы (Германия) солисы. Лирик-драматик амплуалағы классик балерина. С. сәнғәтенә еңел һәм һығылмалы хәрәкәттәр, һомғол манера хас. Төп партиялары: Сильфида (Х.Левенсхольдтың ш. уҡ исемле балеты; дебют, 1992), Жизель (А.Адандың ш. уҡ исемле балеты), Одетта—Одиллия (“Аҡҡош күле” — “Лебединое озеро”), Мари (“Щелкунчик”; икеһе лә – П.И.Чайковский), Кармен (“Кармен‑сюита”, Ж.Бизе — Р.К.Щедрин) һ.б. Концерт репертуарында классик балеттарҙан вариациялар, хореографик миниатюралар (“Персик тотҡан ҡыҙ” — “Девочка с персиком”, В.Усманов, М.П.Мусоргский муз.) һ.б. Лозанна (Швейцария, 1995), Мәскәү (1997) ҡҡ. халыҡ-ара конкурстар дипломанты. “Иң яҡшы ҡатын‑ҡыҙ роле” номинацияһында “Алтын маска” Милли театр фестивале пр. лауреаты (Мәскәү, 2002, 2004).

Р.Ғ.Латипова

Тәрж. Г.Һ.Ризуанова

Яндекс.Метрика