СМОРОДИН Георгий Степанович (1.4.1905, Пермь губ. Вереино а. — 17.4.1986, Симферополь ҡ.), агроном. А.х. ф. д‑ры (1960), проф. (1960). РСФСР‑ҙың атҡ. агрономы (1977), БАССР‑ҙың атҡ. фән эшмәкәре (1965). Б.В. һуғышында ҡатнашыусы. Пермь ун‑тын (1930), Маркс—Энгельс—Ленин ин‑тын (Мәскәү, 1941) тамамлаған. 1931—41 йй. Башҡ‑н игенселек һәм малс‑ҡ ҒТИ‑ның өлкән ғилми хеҙм‑ре, 1946—49 йй. Башҡ‑н баҫыусылыҡ ғилми‑тикшеренеү ст. бүлек мөдире, дир. урынбаҫары. 1950 й. алып БАХИ‑ла: дир., 1951—53 йй., 1959 й. башлап дөйөм игенселек каф. мөдире һәм бер үк ваҡытта агрономия ф‑ты деканы. 1965—71 йй. М.И.Калинин ис. Ҡырым а.х. ин‑тында (Симферополь): мөдир, 1970 й. алып дөйөм игенселек каф. проф.‑консультанты. Фәнни эшмәкәрлеге бойҙай, ҡарабойҙай агротехникаһын, сәсеүәйләнеше баҫыуҙарында тупраҡтың физик‑технологик үҙенсәлектәрен, уларҙы эшкәртеү системаһын өйрәнеүгә арналған. 30‑ҙан ашыу фәнни хеҙмәт авторы. 1‑се дәрәжә (1945 й. апр. һәм майы), 2‑се дәрәжә (1944) Ватан һуғышы, Ҡыҙыл Йондоҙ (1944), “Почёт Билдәһе” (1953) орд. м‑н бүләкләнгән.

Тәрж. Ғ.Р.Бердина

Яндекс.Метрика