СМАҠОВА Асия Вәфир ҡыҙы (27.8.1947, БАССР‑ҙың Стәрлетамаҡ р‑ны Латип а.), йырсы. БР‑ҙың халыҡ (2010) һәм атҡ. (1995) артисы. Өфө сәнғәт уч‑щеһын (1970; А.Л.Легкота класы), ӨДСИ‑не (1975; М.А.Букатова класы) тамамлаған. 1969 й. алып Башҡ. хор капеллаһы, 1982 й. – Башҡ. филармонияһының эстрада солисы, бер үк ваҡытта 1996 й. башлап вокал б‑са педагог-репетитор, 1998—2010 йй. А.Ғ.Ғәлимовтың “Айҙар” театр-студияһының солист‑вокалисы. Матур тембрлы һәм киң диапазонлы үҙенсәлекле, яғымлы тауышҡа эйә. С. башҡарыу оҫталығына лирик моңлолоҡ, нескә тәьҫирлелек хас. Йырсының репертуарында татар һәм башҡ. халыҡ йырҙары, ш. уҡ башҡ. (Н.Ә.Дауытов, А.М.Ҡобағошов, Р.Х.Сәхәүетдинова һ.б.) һәм татар (Л.М.Батырҡаева, М.А.Мозафаров, С.Г.Садиҡова, Р.М.Яхин һ.б.) комп. әҫәрҙәре. Ҡарағалпаҡ (1976), Яҡут (1978) һәм Татарстан (1989) АССР‑ҙарында үткәрелгән БАССР әҙәбиәте һәм сәнғәте көндәрендә, Сыуаш АССР‑ындағы БАССР мәҙәниәте көндәрендә (1981), Мәскәүҙә БР көндәрендә (1997) ҡатнаша. Рәсәй буйлап гастролдәрҙә була.

Э.Ә.Нәбиева

Тәрж. Г.Һ.Ризуанова

Яндекс.Метрика