СИРАЖЕТДИНОВ Иршат Фәрит улы (19.6.1954, БАССР‑ҙың Учалы р‑ны Туңғатар а. — 15.12.2012, Өфө, тыуған ауылында ерләнгән), режиссёр. БАССР‑ҙың атҡ. сәнғәт эшмәкәре (1989). Өфө сәнғәт уч‑щеһын (1974; К.Ф.Ғәҙелшин класы), ӨДСИ‑не (1982; Р.М.Әйүпов, Ғ.Ғ.Ғиләжев курсы), ГИТИС эргәһендәге Юғары театр курстарын (1986) тамамлаған. 1982 й. алып Өфө химия з‑дының Химиктар мәҙәниәт һарайының башҡ. театры етәксеһе, 1983—85 йй. Респ. халыҡ ижады һәм мәҙәни-мәғрифәт эше йортоноң бүлек мөдире, 1986 й. — Башҡ. филармонияһының эстрада, бер үк ваҡытта 1996 й. башлап муз.‑әҙәби лекторий реж., 2003—05 йй. өлкән мөхәррир, 2006—07 йй. Ҡала мәҙәниәт һарайы (Өфө) дир. урынбаҫары. Концерттар, театрлаштырылған тамашалар, мәҙәниәт һәм сәнғәт эшмәкәрҙәренең, ш. иҫ. М.Кәрим, Ф.Й.Ҡудашева, Н.Нәжми, И.М.Смаҡов, Ә.С.Уразмәтовтың, ижади һәм юбилей кисәләренә сценарийҙар авторы һәм режиссёры. Бер нисә әҙәбиәт һәм сәнғәт декадалары һәм көндәре, ш. иҫ. Свердловск ҡ. БАССР мәҙәниәте көндәренең (1989), художество етәксеһе һәм мәҙәни программалары режиссёры.

Г.Ә.Ишкинина

Тәрж. Г.Һ.Ризуанова

Яндекс.Метрика