СИЛОС КУЛЬТУРАЛАРЫ, силос әҙерләү өсөн үҫтерелгән үҫемлектәр. С.к. кукуруз, судан үләне, сорго, көнбағыш, топинамбур, топинсолнечник, күп йыллыҡ һәм бер йыллыҡ үләндәрҙең ҡуҙаҡлы‑ҡыяҡлы ҡатышмалары, амарант һ.б. инә. Ҡатнаш силос өсөн картуф бүлбеләре, кишерҙең, ҡабаҡтың, таш ҡабаҡтың мал аҙығы сорттары, үҫемлекселек ҡалдыҡтары, шәкәр һәм мал аҙығы сөгөлдөрөнөң һабаҡтары һ.б. ҡулланыла. Фактик шәкәр күләме һәм уның мотлаҡ минимумы нисбәтенән сығып, еңел силосланған (шәкәр күләме юғары; кукуруз, сорго, судан үләне, көнбағыш, ҡуҙаҡлы‑ҡыяҡлы ҡатышмалар һ.б.; айырым һәм ҡатышмаларҙа силослайҙар); ауыр силосланған (сикле; ҡандала үләне, кәрешкә, ҡыҙыл клевер, картуф һабағы; еңел силосланған үҫемлектәр м‑н ҡатышмала 1:1 нисбәтендә йәки меласса рәүешендә еңел эреүсән углеводтар м‑н байытып силослайҙар); силосланмаған (түбән; әсе борсаҡ, торна борсағы, соя; 1:2 һәм артығыраҡ нисбәттә силослайҙар) үҫемлектәр айырыла. Башҡортостанда С.к. сәсеү майҙандары 81,9 мең га тәшкил итә (2008).

И.Ю.Кузнецов

Тәрж. Г.А.Миһранова

Яндекс.Метрика