СИБАЙ ФИЛАРМОНИЯҺЫ. 1993 й. ҡала филармонияһы булараҡ асыла, 1995 й. алып Башҡорт филармонияһы ҡарамағында, 1998 й. Сибай дәүләт филармонияһы. С.ф. тәүге ижади коллективы “Сибай” бейеү ансамбленән (етәксеһе — БР‑ҙың атҡ. артисы Г.В.Аҡназарова), концерт бригадаһынан (етәксеһе А.К.Тимеров), халыҡ муз. ҡоралдары оркестрынан (етәксеһе И.Г.Яхин) тора. 1995 й. концерт бригадаһы (етәксеһе — БР‑ҙың атҡ. артисы Л.Р.Ишемйәрова), “Арҡайым” төркөмө (етәксеһе — БР‑ҙың атҡ. артисы С.И.Байегетов), 1997 й. “Байҡара” төркөмө (етәксеһе А.М.Вәлиуллин), 2002 й. концерт бригадаһы (етәксеһе Б.Р.Байназаров; 2009 й. алып “Баяс” төркөмө), 2004 й. концерт бригадаһы (етәксеһе Ғ.Ғ.Ғәйетбаев), 2008 й. “Тархан” төркөмө (етәксеһе Р.Р.Ғайсин) ойошторола. С.ф. составына (2009) “Сибай” бейеү ансамбле (етәксеһе Ф.Ш.Әсәҙуллин), халыҡ муз. ҡоралдары оркестры (етәксеһе М.Р.Хөсәйенова), “Баяс”, “Тархан” төркөмдәре, концерт бригадаһы (Ғәйетбаев) инә. С.ф. Рәсәй, Ҡаҙағстан, Ҡырғыҙстан, Үзбәкстан буйлап гастролдәрҙә була. Художество етәкселәре: Ә.Ш.Ҡыуатова (1993 й. алып), Аҡназарова (2003 й. алып), Н.А.Ғиззәтуллина (2006 й. алып). Дир.: БР‑ҙың атҡ. мәҙәниәт хеҙм‑ре Ф.С.Хөснөтдинов (1993 й. алып), Р.И.Ишмуллин (1994 й. алып), В.Б.Йосопов (2005 й. алып). Халыҡ-ара фольклор фестивалендә (Франция, 1996), Халыҡ‑ара төрки телле халыҡтар фестивалендә (Ялова ҡ., Төркиә, 2005) ҡатнаша. Белгород ҡ. 1000 йыллығына һәм Еңеүҙең 50 йыллығына арналған Халыҡ-ара фестиваль лауреаты (1995); Бөтә Урал Бажов халыҡ ижады фестивале (Сыбаркүл ҡ., 1995), Халыҡ-ара фольклор фестивале (Лефкада утрауы, Греция, 2001) дипломанты.

Г.Ә.Ишкинина

Тәрж. Г.Һ.Ризуанова

 

Яндекс.Метрика