СӘЛИШЕВ Линир Ибраһим улы (14.6.1937, БАССР‑ҙың Фёдоровка р‑ны Яңы Яуыш а. — 11.4.2014, БР‑ҙың ш. уҡ р‑ны Бала Сытырман а.), агроном. РФ‑тың (1997) һәм БАССР‑ҙың (1986) атҡ. агрономы. БАХИ‑ны тамамлаған (1963). 1953 й. алып Фёдоровка р‑нында эшләй: 1957 й. — техник‑баҫыу белгесе, агроном, 1959—60 йй. ВЛКСМ ком‑ты секретары, 1962 й. — бүлек идарасыһы, 1963—72 йй. агроном, 1975 й. — агроном‑орлоҡсолоҡ белгесе, 1978—98 йй. “Пугачёв” с‑зының, 1972—75 йй. “Мораптал” тоҡомсолоҡ с‑зының баш агрономы. Фәнни‑производство эшмәкәрлеге игенселектең тупраҡһаҡлау системаһын, иген һәм техник культураларҙы үҫтереү технологияһын эшләүгә арналған. С. респ. беренсе булып эрозияға ҡаршы тупраҡты минималь эшкәртеү системаһын индерә башлай. 20‑нән ашыу фәнни хеҙмәт авторы. “Почёт Билдәһе” орд. м‑н бүләкләнгән (1980).

Хеҙм.: Почвозащитная система земледелия в совхозе “Пугачёвский”. Уфа, 1984; Минимальная обработка и воспроизводство плодородия типичного чернозёма. Уфа, 1993 (авторҙ.).

Тәрж. Ғ.Р.Бердина

Яндекс.Метрика