СӘЙЕТБАТТАЛОВ Таһир Фәйзрахман улы (16.11.1950, БАССР‑ҙың Фёдоровка р‑ны Денис а.), зоотехник, хужалыҡ эшмәкәре. А.х. ф. д‑ры (1998). РФ‑тың (2006) һәм БР‑ҙың (1993) атҡ. а.х. хеҙм‑ре. БАХИ‑ны тамамлағандан һуң (1973) БАХИ‑ның уҡытыу‑тәж. хужалығында эшләй, 1977 й. алып “Туймазы” ҡошсолоҡ ф‑каһының баш зоотехнигы. 1980—97 йй. һәм 2004—05 йй. “Благовар тоҡомсолоҡ‑ҡошсолоҡ заводы” ДУП‑ында: 1980 й. башлап дир., 2004 й. — баш ғилми хеҙм‑р; 1997 й. алып “Башхлебопродукт” ДУАХП‑нда: ген. дир., 1998 й. — ген. дир. 1‑се урынбаҫары, 2000 й. — ген. дир. урынбаҫары; 2000—04 йй. «“Башҡортостан” ҡошсолоҡ фабрикаһы» ААЙ‑нда: дир., 2003 й. — ген. дир. урынбаҫары. 2005 й. башлап “Урал‑Волга буйы агросәнәғәт төркөмө” ЯСЙ‑ның (Өфө) ген. дир. урынбаҫары, 2006 й. — “Турбаҫлы бройлерҙары” ААЙ (Благовещен ҡ.) дир., бер үк ваҡытта 2000 й. алып БДАУ‑ҙа уҡыта. Фәнни тикшеренеүҙәре өйрәк һәм ҡаҙҙың яңы тоҡомдарын, кростарын, йүнәлештәрен сығарыу б‑са селекцияға һәм тоҡомсолоҡ эшенә арналған. С. тарафынан селекция ваҡытында тоҡомло ҡоштарҙы, йәш һыйыр малын аҫрау ысулдары һ.б. уйлап табыла. С. Башҡортостан төҫлө өйрәктәре, Благовар ике йүнәлеш кростары һ.б. өйрәк тоҡомдарын сығара. 120‑нән ашыу фәнни хеҙмәт һәм 14 уйлап табыу авторы. БР‑ҙың һыу ҡоштары б‑са селекция программалары етәксеһе (1993 й. алып), РФ‑тың өйрәкселек б‑са фәнни‑етештереү системаһы дир. советы (1993 й. алып), Башптицесоюз (2004) рәйесе. Хеҙмәт Ҡыҙыл Байраҡ орд. м‑н бүләкләнгән (1991).

Хеҙм.: Утководство в Республике Башкортостан (селекция и технология). Уфа, 1997; Птицеводство Республики Башкортостан в цифрах и фактах. М., 2000; Любительское животноводство и птицеводство. Уфа, 2003 (авторҙ.).

Тәрж. Ғ.Р.Бердина

Яндекс.Метрика