СЕФЕРОВА Ева Павловна (Богосовна; 25.1.1891, Симферополь ҡ. — 27.3.1968, Өфө), пианист, педагог. Петроград консерваторияһын тамамлағандан һуң (1914; В.Н.Дроздов класы) 1944 й. тиклем Симферополдә: яңғыҙ концерттар м‑н сығыш яһаған, музыка уч‑щеһында эшләгән. 1945—67 йй. — Өфө сәнғәт уч‑щеһында (1946—65 йй. фп. бүлеге мөдире), бер үк ваҡытта 1957 й. алып — 1‑се музыка мәктәбендә, 1961 й. башлап Гнесиндар ис. Музыка- пед. ин‑тының Өфө уҡытыу‑консультация пунктында уҡыта. Сәнғәт училищеһы, Башҡорт филармонияһы концерттарында һ.б. сығыш яһай. С.‑пианист репертуарында донъя классикаһы музыкаһы, улар араһында — А.С.Аренский, Л.Бетховен, Ф.Лист, А.К.Лядов, П.И.Чайковский, Ф.Шопен әҫәрҙәре. Пед. эшмәкәрлегендә С. уҡытыуҙың классик принциптарын һәм алымдарын ҡулланған. Уҡыусылары араһында сәнғәт ғилеме д‑ры В.П.Бобровский, БР‑ҙың атҡ. мәҙәниәт хеҙм‑рҙәре Л.М.Горбунова, РФ‑тың — Н.А.Латышева, БССР‑ҙың — Э.С.Мартиросьянц, РСФСР‑ҙың атҡ. сәнғәт эшмәкәре Г.М.Калинкович, БАССР‑ҙың атҡ. уҡытыусыһы Л.П.Нехаева, РСФСР-ҙың халыҡ артисы М.И.Чулаки бар.

Әҙәб.: Т р о и ц к а я Л.Н., А х м а д и е в а Р.Р. Уфимское училище искусств. Уфа, 1992; Г а р и п о в а Н.Ф. Фортепианное исполнительство и образование в Уфе. Страницы истории. Уфа, 2010.

Тәрж. Г.Һ.Ризуанова

Яндекс.Метрика