ПОЛЯКОВ Владимир Андреевич (16.2.1945, Өфө), йырсы (баритон). РФ‑тың атҡ. артисы (1995). Рәсәйҙең Театр эшмәкәрҙәре союзы ағзаһы (1977). ӨАИ‑ны (1968), ӨДСИ‑не (1977; М.Ғ.Мортазина класы) тамамлаған. 1968—73 йй. “Гидравлика” Өфө агрегат берекмәһе инженеры, 1977 й. алып СССР‑ҙың Ҙур театры, 1983—2004 йй. Мәскәү өлкә филармонияһы, 2005 й. башлап Мәскәү өлкә “Кузьминки” сәнғәт йорто солисы.

Киң диапазонлы, бай тембрлы тауышы, сағыу артислыҡ һәләте булған йырсы. Концерт репертуарында операларҙан ариялар, урыҫ һәм сит ил комп. вокаль әҫәрҙәре, ватан авторҙарының эстрада йырҙары, урыҫ халыҡ йырҙары. Төп партиялары: Жермон (“Травиата”, Дж.Верди; дебют, 1977), Тореадор (“Кармен”, Ж.Бизе), Роберт һәм Эбн-Хакия (“Иоланта”, П.И.Чайковский) һәм башҡалар. И.К.Архипова, М.Л.Биешу, СССР‑ҙың халыҡ артистары В.А.Атлантов, Т.А.Милашкина, Е.В.Образцова һ.б. м‑н сығыш яһай. Әзербайжан ССР‑ында үткәрелгән РСФСР мәҙәниәте көндәрендә ҡатнаша (1979). Рәсәй һәм сит илдәр (Афғанстан, Бөйөк Британия, Германия, Италия, Франция һ.б.) буйлап гастролдәрҙә була.

А.Р.Сабирова

Тәрж. Г.Һ.Ризуанова

Яндекс.Метрика