СУЙЫНСЫ, Дәүләкән р‑нындағы ауыл, Суйынсы а/с үҙәге. Район үҙәгенән һәм Дәүләкән т. юл ст. К.‑Көнс. табан 37 км алыҫлыҡта Суйынсы й. (Өршәк й. басс.) буйында урынлашҡан. Халҡы: 1906 й. — 3822 кеше; 1920 — 3131; 1939 — 1563; 1959 — 960; 1989 — 472; 2002 — 473 кеше. Татарҙар йәшәй. Халҡы “Ғабдрахманов” крәҫтиән (фермер) хужалығында эшләй. Суйынсы урта мәктәбе, балалар баҡсаһы, фельдшер‑акушерлыҡ пункты, клуб, китапхана бар.

Ауылға 1762 й. керҙәшлек килешеүе б‑са Нуғай даруғаһы Яйыҡ‑Ҫыбы‑Мең улусы башҡорттарының аҫаба ерҙәрендә мишәрҙәр нигеҙ һала. 18 б. аҙ. бында хеҙмәтле татарҙар йәшәй. 1795 й. 70 йортта 601 кеше йәшәгән, 1865 й. 280 йортта — 1837 кеше. Игенселек, умарт‑ҡ м‑н шөғөлләнгәндәр. 3 мәсет, 3 училище, 18 сауҙа кибете булған. 1906 й. 3 мәсет, урыҫ‑башҡорт мәктәбе, фельдшер пункты, һыу тирмәне, бакалея кибеттәре, 2 мөгәзәй теркәлгән. Н.Ғ.Ғатауллин, М.Х.Камалов, Н.Ғ.Сибәғәтуллин, Ф.Л.Сәйәхов, И.Л.Хәбибуллин ошо ауылда тыуған.

Тәрж. Р.Ғ.Ғилманов

Яндекс.Метрика