СОЛТАНГӘРӘЕВА Розалия Әсфәндиәр ҡыҙы (28.3.1955, БАССР‑ҙың Әлшәй р‑ны Яңы Сәпәш а.), фольклорсы. Филол. ф. д‑ры (2003). БАССР- ҙың атҡ. мәҙәниәт хеҙм‑ре (1990). Яҙыусылар союзы ағзаһы (2005). БДПИ‑ны тамамлаған (1977). 1982 й. алып ТТӘИ‑лә эшләй: 1991 й. башлап өлкән ғилми, 2003 й. — төп ғилми, 2007 й. — баш ғилми хеҙм‑р. 1982 й. башлап Башҡортостан, ш. уҡ Ҡурған, Силәбе, Һамар, Һарытау өлк., Перьм крайы буйлап фольклор‑этнографик экспедицияларҙа ҡатнаша (1986 й. алып етәксе). Фәнни эшмәкәрлеге башҡ. йола поэзияһының сығанаҡтарын, уның мифопоэтик һәм этнографик үҙенсәлектәрен, уйын фольклорын, дини, хореографик фольклорҙы, ш. уҡ сәсәндәр ижадын өйрәнеүгә арналған. “Башҡорт халыҡ ижады” йыйынтығын төҙөүселәрҙең береһе. 400‑гә яҡын фәнни хеҙмәт авторы. С. ҡобайырҙары уның “Ҡобайырым һиңә, илем” (1996), “Рух терәге — ҡобайыр” (2005) һ.б. йыйынтыҡтарына ингән. Башҡорт ҡатын-ҡыҙҙары йәмғиәте рәйесе (2010 й. алып). Халыҡ‑ара аҡындар, йырсылар һәм дастансылар конкурсы (Алматы, 1996), Ғ.Әлмөхәмәтов ис. призға йәш йырсыларҙың респ. конкурсы (1984) лауреаты; Бөтә донъя йәштәр һәм студенттар фестивале (Мәскәү, 1985), Халыҡ‑ара сәсәндәр фестивале (Элиста, 2007), Халыҡ йырҙарын башҡарыусыларҙың Бөтә Рәсәй “Рәсәй тауыштары” (“Голоса России”; Смоленск ҡ., 1991) телерадиоконкурсы һ.б. конкурстар дипломанты. Аҡмулла ис. пр. лауреаты (1991). БДПУ‑ла 2013 й. алып С. етәкс. Сәсәндәр мәктәбе эшләй. Салауат Юлаев орд. м‑н бүләкләнгән (2005).

Х е ҙ м.: Башҡорт сәсән мәктәбе. Өфө, 2012; Семейно‑бытовой обрядовый фольклор башкирского народа. Уфа, 1998; Танцевальный фольклор башкир. Уфа, 2013.

Р.З.Шәкүров

Тәрж. Р.Ә.Сиражитдинов

Яндекс.Метрика