СИҘӘМ, Әбйәлил р‑нындағы ауыл, Әлмөхәмәт а/с үҙәге. Район үҙәгенән К.‑Көнс. 49 км һәм Әлмөхәмәт т. юл ст. Көнб. табан 3 км алыҫлыҡта Оло Ҡыҙыл й. буйында урынлашҡан. Халҡы: 1959 й. — 805 кеше; 1989 — 1648; 2002 — 1455; 2010 — 1404 кеше. Башҡорттар йәшәй (2002). Халҡы “Уралагро” ЯСЙ‑нда эшләй. Урта мәктәп, балалар баҡсаһы, участка дауаханаһы, мәҙәниәт йорто (“Дуҫлыҡ” халыҡ бейеүҙәре ансамбле), китапхана, мәсет бар.__ Ауылға 1954 й. сиҙәм һәм ҡалдау ерҙәрҙе үҙләштереү ваҡытында “Урал” с‑зын ойоштороуға бәйле ҡасаба булараҡ нигеҙ һалына. 2005 й. хәҙ. статусын ала.

Тәрж. Р.Ғ.Ғилманов

Яндекс.Метрика