СӘЙЕТҠОЛ, Ә б с ә л ә м, Күгәрсен р‑нындағы ауыл, Яңы Петровка а/с ҡарай. Район үҙәгенән К.‑Көнб. 15 км һәм Мәләүез т. юл ст. К.‑Көнс. табан 80 км алыҫлыҡта Оло Эйек й. (Һаҡмар й. ҡушылдығы) буйында урынлашҡан. Халҡы: 1900 й. — 337 кеше; 1920 — 348; 1939 — 431; 1959 — 449; 1989 — 209; 2002 — 236 кеше. Башҡорттар йәшәй. Халҡы “Ергән МТС‑ы” ААЙ‑нда эшләй. Сәйетҡол төп белем биреү мәктәбе, фельдшер‑акушерлыҡ пункты, мәҙәниәт йорто, китапхана бар.

Ауылға 18 б. уртаһында Нуғай даруғаһы Ҡыпсаҡ улусы башҡорттары үҙ ерҙәрендә нигеҙ һала. Тәүге төпләнеүсе Сәйетҡол Ҡыҙылбаевтың исеме м‑н аталған. 1795 й. 22 йортта 136 кеше йәшәгән, 1866 й. 79 йортта — 298 кеше. Малс‑ҡ, игенселек м‑н шөғөлләнгәндәр. С. улус идараһы урынлашҡан, мәсет булған. 1900 й. ш. уҡ урыҫ‑башҡорт училищеһы теркәлгән. Л.Ш.Камалова, Ғ.Ғ.Сәйетбатталов ошо ауылда тыуған.

Тәрж. Р.Ғ.Ғилманов

Яндекс.Метрика