СЕРГЕЕВКА, Бүздәк р‑нындағы ауыл, Бүздәк а/с ҡарай. Район үҙәгенән һәм Бүздәк т. юл ст. Көнс. табан 8 км алыҫлыҡта Сәрмәсән й. буйында урынлашҡан. Халҡы: 1906 й. – 637 кеше; 1920 – 693; 1939 – 590; 1959 – 457; 1989 – 596; 2002 – 678 кеше. Урыҫтар, башҡорттар йәшәй. Халҡы “Иҫке Бүздәк‑агроинвест” ЯСЙ‑нда эшләй. Урта мәктәп, балалар баҡсаһы, фельдшер‑акушерлыҡ пункты, мәҙәниәт йорто, китапхана бар. Ауылға 1891 й. Бәләбәй өйәҙендә Курск губ. күскенсе крәҫтиәндәре нигеҙ һала. Шулай уҡ Яңы Сергеевка исеме м‑н теркәлгән. 1906 й. земство мәктәбе, һыу тирмәне, мөгәзәй иҫәпкә алынған. В.Е.Пятков ошо ауылда тыуған.

З.М.Цуканова

Тәрж. Р.Ғ.Ғилманов

Яндекс.Метрика