CЫУАШ‑ҠОБАУ, Иглин р‑нындағы ауыл, Сыуаш‑Ҡобау а/с үҙәге; т. юл станцияһы. Район үҙәгенән Т.‑Көнс. табан 15 км алыҫлыҡта Лобовка й. (Ҡариҙел й. ҡушылдығы) буйында урынлашҡан. Халҡы: 1906 й. — 1127 кеше; 1920 — 1510; 1939 — 1799; 1959 — 1785; 1989 — 1386; 2002 — 1464 кеше. Сыуаштар йәшәй. С.‑Ҡ. — “Агро‑Весна” ААЙ‑ның үҙәк усадьбаһы. Урта мәктәп, балалар баҡсаһы, фельдшер‑акушерлыҡ пункты, мәҙәниәт йорто, китапхана бар.

Ауылға Нуғай даруғаһы Ҡыбау улусы башҡорттары үҙ ерҙәрендә нигеҙ һала, 1675 й. алып Ҡобау исеме (“ҡобау” этнонимынан; ҡара: Меңле) м‑н билдәле. 1715 й. керҙәшлек килешеүе б‑са бында яһаҡлы мариҙар төпләнә, 1773 й. ш. уҡ шарттарҙа — яңы суҡындырылған сыуаштар. 1770 й. ауылда П.С.Паллас булып китә. 1795 й. 23 йортта 178 кеше йәшәгән, 1865 й. 98 йортта — 671 кеше. Малс‑ҡ, игенсенлек, умарт‑ҡ, ағас әйберҙәр яһау м‑н шөғөлләнгәндәр. Башҡорттар Яңы Ҡобау/Башҡорт Ҡобауы а. (хәҙ. Иҫке Ҡобау а.) нигеҙ һалғандан һуң, Сыуаш Ҡобауы булараҡ теркәлгән. 1906 й. (хәҙ. исемдә) сиркәү, 2 министрлыҡ училищеһы, шарап һәм 4 бакалея кибете, мөгәзәй күрһәтелгән. С.Г.Корнилаев ошо ауылда тыуған.

Тәрж. Р.Ғ.Ғилманов

Яндекс.Метрика