СТӘРЛЕТАМАҠ ТӨҘӨЛӨШ, ИҠТИСАД ҺӘМ ХОҠУҠ КОЛЛЕДЖЫ, 1952 й. киске төҙөлөш техникумы булараҡ асыла, 1955 й. алып төҙөлөш техникумы, 1998 й. хәҙ. исемен һәм статусын йөрөтә. Уҡытыу көндөҙгө һәм ситтән тороп уҡыу бүлектәрендә түбәндәге һөнәрҙәр б‑са алып барыла: ҡала төҙөлөшө кадастры; хоҡуҡ белеме; хисаплау техникаһын һәм автоматлаштырылған системаларҙы программа м‑н тәьмин итеү; металл булмаған төҙөлөш изделиелары һәм конструкциялары производствоһы; биналар һәм ҡоролмалар төҙөү, файҙаланыу; күтәреү‑транспорт, төҙөлөш, юл машиналарын һәм ҡоролмаларын техник файҙаланыу; иҡт. һәм бухгалтерия иҫәбе. Компьютер үҙәге, китапханаһы, 2 спорт, 3 тренажёр, теннис, аэробика, тамаша һәм диско залдары, саңғы базаһы, хәрби һәм хеҙмәт даны музейы, мед. пункты, психологик бушаныу кабинеты, сәләмәтлекте тергеҙеү үҙәге, тиры, уҡыу оҫтаханаһы, 12 автомашинаһы, ятағы бар. 30 меңдән ашыу белгес әҙерләнгән (2010). БДАУ, БДУ, Ырымбур дәүләт университетының Күмертау филиалы, Мәскәү психология-социология институты, СДПА, ӨДНТУ м‑н хеҙмәттәшлек итә.

А.М.Андреев

Тәрж. Ә.Н.Аҡбутина

Яндекс.Метрика