СТӘРЛЕТАМАҠ АУЫЛ ХУЖАЛЫҒЫ ТЕХНИКУМЫ, Стәрлетамаҡ р‑ны Наумовка а. урынлашҡан. 1921 й. Ҡыпсаҡ-Ете ырыу кантонының Ермолаевка а. (хәҙ. БР‑ҙың Көйөргәҙе р‑ны Ермолаевка а.) Көйөргәҙе а.х. техникумы булараҡ асыла, 1933 й. алып Көйөргәҙе, 1957 й. — Стәрлетамаҡ зооветеринария техникумы, 1972 й. — Стәрлетамаҡ р‑ны “Заливной” с‑зы м‑н берләштерелгәндән һуң совхоз‑техникум итеп үҙгәртелә, 2000 й. хәҙ. исемен һәм статусын йөрөтә. 1957—85 йй. Стәрлетамаҡ ҡ. була. 2005 й. техникум составынан “Стәрлетамаҡ” а.х. пр‑тиеһы айырылып сыға. Уҡытыу көндөҙгө һәм ситтән тороп уҡыу бүлектәрендә түбәндәге һөнәрҙәр б‑са алып барыла: мәғлүмәт эшкәртеүҙең һәм идара итеүҙең автоматлаштырылған системалары, агрономия, ветеринария, а.х. механизациялау, фермер хужалығы ойоштороу, хисаплау техникаһын һәм автоматлаштырылған системаларҙы программа м‑н тәьмин итеү, автомобиль транспортын техник хеҙмәтләндереү һәм ремонтлау, иҡт. һәм бухгалтерия иҫәбе. 4 компьютер класы, китапханаһы, тамаша һәм уҡыу залдары, спорт комплексы, техникум тарихы һәм патологик анатомия музейҙары, мед. пункты, 5 уҡытыу‑производство оҫтаханаһы, 4 ятаҡханаһы, уҡыу-ветеринария клиникаһы, малдарҙы дауалау стационары, уҡыу-коллекциялау участкаһы, баҡсаһы, автотрактородромы, авто һәм а.х. машиналары бар. 15 меңдән ашыу белгес (2010) әҙерләнгән, улар араһында Н.Ғ.Арыҫланов, Р.Ғ.Баһауетдинов, Х.Ә.Барлыбаев, В.Г.Недошивин. БДАУ һәм Башҡортостан агросәнәғәт комплексы кадрҙарын яңынан әҙерләү һәм уларҙың квалификацияһын күтәреү институты м‑н хеҙмәттәшлек итә.

А.В.Гинтер

Тәрж. Ә.Н.Аҡбутина

Яндекс.Метрика