СТАТИСТИКА, ИНФОРМАТИКА ҺӘМ ХИСАПЛАУ ТЕХНИКАҺЫ КОЛЛЕДЖЫ, 1932 й. Башҡ‑н план- иҡт. техникумы булараҡ асыла, 1942 й. алып статистика техникумы, 1967 й. — иҫәпте механизациялау техникумы, 1990 й. — информатика һәм хисаплау техникаһы техникумы, 1992 й. — Өфө статистика, информатика һәм хисаплау техникаһы колледжы (2007 й. алып федераль дәүләт белем биреү учреждениеһы). Уҡытыу көндөҙгө һәм ситтән тороп уҡыу бүлектәрендә түбәндәге һөнәрҙәр б‑са алып барыла: ер‑мөлкәт мөнәсәбәттәре; автоматлаштырылған системаларҙың мәғлүмәт хәүефһеҙлеге; компьютер селтәрҙәре; компьютер системалары һәм комплекстары; хоҡуҡ һәм соц. тәьмин итеү; хоҡуҡ һаҡлау эшмәкәрлеге; хоҡуҡ һәм судта администраторлыҡ итеү; компьютер системаларын программалаштырыу; иҡт. һәм бухгалтерия иҫәбе. 20 лаб. һәм компьютер класы, китапханаһы, колледж тарихы музейы, тамаша, бейеү һәм 3 уҡыу залы, спорт комплексы, мед. пункты, 2 дөйөм ятағы бар. Өҫтәмә белем биреү үҙәге (1994 й. алып), дистанциялы уҡытыу бүлеге һәм юридик клиникаһы (икеһе лә — 2004 й. алып), колледжды тамамлаусыларҙы эшкә урынлаштырыу хеҙмәте (2007 й. алып) эшләй. 26 меңдән ашыу белгес әҙерләнгән__ (2015), улар араһында С.М.Китапова, А.В.Сутягин. Башҡ‑н дәүләт хеҙмәте һәм идара итеү акад., ӨДАТУ, ӨДНТУ, Рәсәй иҡтисад университеты, Финанс университетының Өфө филиалы, Хоҡуҡ институты м‑н хеҙмәттәшлек итә.

С.З.Ҡунысбаев

Тәрж. Ә.Н.Аҡбутина

Яндекс.Метрика