СӘЛИМ (Сәлимов) Марсель Шәйнур улы (3.1.1949, БАССР‑ҙың Борай р‑ны Сәйет‑Көрйә а.), яҙыусы, журналист. РФ‑тың (1993) һәм БССР‑ҙың (1990) атҡ. мәҙәниәт хеҙм‑ре. Журналистар союзы (1976), Яҙыусылар союзы (1988) ағзаһы. БДУ‑ны (1971), Свердловск юғары партия мәктәбен (1980) тамамлаған. 1973 й. алып “Һәнәк” ж. эшләй (1980–2010 йй. баш мөхәррир), бер үк ваҡытта 1992–2010 йй. “Вилы” ж. баш мөхәррире. Мар. Сәлим, ш. уҡ Т.Сәйетов, С.Әлимов һ.б. псевдонимдар м‑н баҫыла. “Сер ҡапсығы” исемле тº¢ ге китабы 1982 й. сыға. Башҡ. сатираһын һәм юморын үҫтереүгә ҙур өлөш индерә. “Күгәрсен һөтө” (1988; урыҫса тәржемәһе 1994), “Эшем эйәһе” (1995), “Тормош көҙгөһө” (1998; урыҫса тәржемәһе 1998), “Бал ҡорто йәне" (“Душа пчелы"; 2014), “Тишекле таш" (“Камушек с дыркой"; 2015), “Президент бесәйе" (“Президентский кот"; 2016), балалар өсөн “Ҡуян күстәнәсе” (1994) һ.б. китаптар авторы. С. әҫәрҙәре инглиз, немец, болгар, ҡаҙаҡ, төрөк, япон һ.б. телдәргә тәржемә ителгән. М.Н.Задорнов, Л.С.Ленч, П.П.Ребро, М.Г.Семёнов һ.б. әҫәрҙәрен башҡ. теленә тәржемә иткән. С. шиғырҙарына комп. М.М.Ғиләжев, Р.М.Хәсәнов һ.б. йырҙар яҙған. 1996–2006 йй. БР Журналистар союзы рәйесе. Халыҡ‑ара журналистар союзы конфедерацияһы советы ағзаһы (1996 й. алып), секретары (1996–98), вице‑президенты (1998–2000); РФ Журналистар союзы Федератив советы ағзаһы (1996–2008). Халыҡ‑ара халыҡтар юморы йәмғиәтен ойоштороусыларҙың береһе (Габрово ҡ., Болгария, 1989). “Алеко” Халыҡ‑ара конкурсы лауреаты (Болгария, 1996). Рәсәй журналистар союзы пр. (1996), Ш.Хоҙайбирҙин ис. пр. (1998), С.Михалков ис. (2010), Н.Гоголь ис. (2015) әҙәби пр., “Рәсәйҙең алтын ҡауырһыны” (“Золотое перо России”; 2016) пр. лауреаты. Дуҫлыҡ орд. м‑н бүләкләнгән (1999).

Әҙәб.: Әскелле‑сөскөллө әҫәрҙәр: 2 томда. Өфө, 2002–2005; Белым по чёрному: сатира. Юмор. И не только. Уфа, 2009; От смешного до великого: стихотворения и басни. М., 2015.

Р.З.Шәкүров

Тәрж. М.Ә.Ҡотлоғәлләмов

 

 

 

Яндекс.Метрика