САЛАУАТ МУЗЫКА КОЛЛЕДЖЫ, 1961 й. музыка уч‑щеһы булараҡ асыла, 2008 й. хәҙ. статусын ала. Уҡытыу көндөҙгө бүлектә түбәндәге һөнәрҙәр б‑са алып барыла: музыка сәнғәте (инструменталь башҡарыу йүнәлеше), эстрада музыка сәнғәте (эстрада оркестры инструменттары), хор м‑н дирижёрлыҡ итеү, музыка теорияһы. Компьютер класы, спорт һәм уҡыу залдары, тауыш яҙҙырыу студияһы, китпаханаһы, мед. кабинеты бар. Башҡ. фольклор, урыҫ фольклор, ҡурайсылар ансамблдәре; симфоник, эстрада-симфоник, халыҡ инструменттары, башҡ. халыҡ инструменттары оркестрҙары; академик, урыҫ халыҡ, башҡ. халыҡ хорҙары эшләй. Уҡыу йорто м‑н Ф.М.Мостафина-Ниғмәтуллина һ.б. эшмәкәрлеге бәйле. 2,4 мең белгес әҙерләнгән (2008). Уҡыу йорто Сәнғәт академияһы, Одесса музыка акад., Гнесиндар ис. Рәсәй музыка акад. (Мәскәү), Силәбе мәҙәниәт һәм сәнғәт акад., Ырымбур сәнғәт ин‑ты, Мәскәү, Әстерхан һәм Урал (Екатеринбург ҡ.) консерваториялары м‑н хеҙмәттәшлек итә.

В.А.Жирнов

Тәрж. Ә.Н.Аҡбутина

Яндекс.Метрика