ПУТЯТИНСКИЙ Виктор Александрович (15.8.1934, БАССР-ҙың Бүздәк р-ны Үрге Троицк а.), инженер-механик. Техник ф. д-ры (1988), проф. (1989). РФ юғары мәктәбенең атҡ. эшмәкәре (2003), РФ-тың почётлы энергетигы (1998), РФ яғыулыҡ-энергетика комплексының почётлы хеҙм-ре (2001). Ленинград юғары хәрби-диңгеҙ уч-щеһын тамамлаған (1958). 1958 й. алып Плесецк ҡ. хәрби частарында хеҙмәт итә. 1962 й. башлап Хәрби инженерлыҡ-техник ун-тында (С.-Петербург). Фәнни эшмәкәрлеге электр энергияһы м-н тәьмин итеүҙең автономиялы системалары дизель-генераторҙарының техник характеристикаларын яҡшыртыуға арналған. П. ҡатнашлығында  атмосфера һауаһы аномаль хәлдә булғанда дизелдәрҙең эшләүен тәьмин итеү алымдары уйлап табылған. Асинхронлаштырылған синхрон генераторлы дизель-генераторҙарҙың әйләнеү йышлығын функциональ рәүештә көйләү системаһы “Трансмаш” з-дында (Барнаул ҡ.) индерелгән. 300-ҙән ашыу фәнни хеҙмәт һәм 54 уйлап табыу авторы. Ҡыҙыл Йондоҙ орд. м-н бүләкләнгән (1985).

Хеҙм.: Компрессорные установки. СПб., 1978 (авторҙ.); Рабочие процессы и динамика двигателей внутреннего сгорания энергоустановок объектов Министерства обороны. Ч.1 СПб., 1993.

Тәрж. Р.Ғ.Ғилманов

Яндекс.Метрика