ПУТЕНИХИН Валерий Петрович (20.5.1957, БАССР‑ҙың Күгәрсен р‑ны Мораҡ а.), популяция генетигы, ботаник. Биол. ф. д‑ры (2000), проф. (2013). БР‑ҙың атҡ. фән эшмәкәре (2017). БДУ‑ны тамамлағандан һуң (1979) Ҡариҙел, Архангел р‑ндарының, Өфөнөң (39‑сы) урта мәктәптәрендә уҡытыусы. 1983 й. алып Өфө производство урман хужалығы берекмәһендә, 1985 й. — Биохимия һәм цитохимия бүлегендә; 1988 й. башлап Ботаника баҡса‑институтында: 1992—93 йй. дир. урынбаҫары, 1995 й. алып лаб. мөдире, бер үк ваҡытта 2003—09 йй. БДУ‑ла уҡыта. Фәнни эшмәкәрлеге Уралдағы һәм БР‑ҙағы ағас үҫемлектәрҙең фенотипик үҙгәреүсәнлеген, популяцияларға бүленешен, интрогрессив гибридизацияһын һәм микроэволюцияһын өйрәнеүгә, уларҙың интродукцияһына, урмандарҙыңгенофондын һаҡлап ҡалыуға, Урал‑Волга буйындағы ботаник‑геогр. тикшеренеүҙәр тарихына арналған. П. тарафынан генетик урман резерваттары айырып күрһәтелә, дендрологик тәбиғәт ҡомартҡылары асыҡлана, гибрид‑орлоҡ плантациялары булдырыла, ағас үҫемлектәрҙең декоратив төрҙәре һәм формалары интродукциялана, ағас төрҙәрен популяциялар нигеҙендә генетик яҡшыртыу ысулдары эшләнә. 280‑дән ашыу фәнни хеҙмәт һәм 1 уйлап табыу авторы.

Хеҙм.: Лиственница Сукачёва на Урале: изменчивость и популяционно‑генетическая структура. М., 2004 (авторҙ.); Сирени в Башкирском Предуралье: интродукция и биологические особенности. Уфа, 2010 (авторҙ.); В сердце Евразии (природа Урало‑Поволжья в известиях древних писателей, учёных и путешественников). Уфа, 2013.

Тәрж. Г.А.Миһранова

Яндекс.Метрика