ПСӘНЧИН Вәли Шәғәли улы [22.4.1930, БАССР‑ҙың Йылайыр кантоны 1‑се Дәүләтҡол а. (БР‑ҙың Күгәрсен р‑ны) — 30.5.2013, Өфө], тел белгесе, педагог-методист. Филол. ф. канд. (1965). БССР‑ҙың атҡ. уҡытыусыһы (1991), РСФСР‑ҙың халыҡ мәғарифы отличнигы (1991), БР‑ҙың мәғариф отличнигы (1994), РФ‑тың почётлы дөйөм белем биреү хеҙм‑ре (2005). БДУ‑ны тамамлағандан һуң (1959) БАССР Мәғариф министрлығының дәреслектәр бүлеге мөдире, 1961 й. алып БДУ‑ла уҡыта. 1984—2005 йй. Мәғарифтың милли проблемалары ин‑тының Башҡ‑н филиалында эшләй: мөдир, 1993 й. башлап төп ғилми хеҙм‑р. Фәнни тикшеренеүҙәре башҡ. теленең стилистикаһына, тарихи грамматикаһына, башҡ. әҙәби теленең тарихына, мәктәптәрҙә һәм вуздарҙа башҡорт теле уҡытыу методикаһының лингводидактик нигеҙҙәренә арналған. 300‑ҙән ашыу фәнни хеҙмәт, ш. иҫ. башҡ. теле б‑са дәреслектәр, уҡытыу-методик әсбаптар һәм уҡыу программалары, авторы.

Хеҙм.: Риторика нигеҙҙәре. Өфө, 2001; Башҡорт нәфис һүҙе. Өфө, 2008; Грамматика современного башкирского литературного языка. М., 1981 (авторҙ.).

Тәрж. Ә.Н.Аҡбутина

Яндекс.Метрика