ПРОФСОЮЗ КАДРҘАРЫНЫҢ КВАЛИФИКАЦИЯҺЫН КҮТӘРЕҮ ИНСТИТУТЫ, өҫтәмә проф. белем биреү мәғариф учреждениеһы. 1961 й. стационар проф. курс булараҡ асыла, 1990 й. алып уҡытыу-методик үҙәге, 1993 й. — Өҙлөкһөҙ белем биреү һәм соц. прогнозлау үҙәге, 1998 й. башлап БР Профсоюздар федерацияһының Профсоюз кадрҙарының квалификацияһын күтәреү ин‑ты. Эшмәкәрлегенең төп йүнәлештәре: профсоюз кадрҙарын, төрлө пр‑тиеларҙың, ойошмаларҙың етәкселәрен һәм белгестәрен, эштән бушаған хеҙм‑рҙәрҙе һәм эшһеҙ халыҡты проф. йәһәттән әҙерләү, яңынан әҙерләү һәм уларҙың квалификацияһын күтәреү (70‑тән ашыу программа); хеҙмәтте һаҡлау һәм янғын хәүефһеҙлеге б‑са уҡытыу һәм аттестация үткәреү; мәғариф системаһын мәғлүмәти һәм ғилми-методик яҡтан тәьмин итеү; һөҙөмтәле менеджмент ойоштороу һәм бизнесты үҫтереү проблемалары б‑са тикшеренеү, халыҡ-ара һәм консалтинг эшмәкәрлеге һ.б. Институт составына 3 каф., уҡытыу-методик бүлеге инә. Китапханаһы, медиатекаһы бар. 64 уҡытыусы араһында 6 фән д‑ры һәм 30 фән канд. (2012). Йыл һайын 3 меңдән ашыу тыңлаусы уҡып сыға. 1996 й. алып халыҡ-ара һәм төбәк программаларын (“Урындағы үҙидаралыҡ тәжрибәһен өйрәнеү”, “Профсоюздар һәм власть", “Демократия һәм урындағы власть”, “Социаль аудитҡа идара итеү технологиялары” һ.б.) тормошҡа ашырыуҙа ҡатнаша; БР, РФ, АҠШ, Болгария, Германия, Польша һәм Франция вуздары һәм ғилми‑тикшеренеү үҙәктәре м‑н хеҙмәттәшлек итә. 30‑ҙан ашыу монография, 150‑гә яҡын уҡыу әсбабы һәм уҡытыу‑методик тәҡдимдәр нәшер ителгән (2012). Дир.: И.Н.Михайлов (1961 й. алып), Р.М.Низамов (1973 й. алып), А.Н.Долженко (1977 й. алып), Н.С.Сөләймәнов (1979 й. алып), Ғ.Т.Ғәлиев (1993 й. алып).

Ғ.Т.Ғәлиев

Тәрж. Ә.Н.Аҡбутина

Яндекс.Метрика