ПРОКАТ металлургияла, прокатлау стандарында алынған төрлө профилдәге металл изделиелар. Профилдәренең формаһына һәм үлсәмдәренә ҡарап (сортамент) табаҡлы П. (табаҡ, таҫма киҫәк һ.б.), сортлы ябай (түңәрәк, квадрат, алтымөйөш һ.б.), фасонлы (мөйөштәр, тавролар, рельстар, швеллерҙар һ.б.); махсус тәғәйенләнешле профилдәрҙе (периодик, подшипниктар өсөн шарҙар, роликтар, дискылар һ.б.); торбаларҙы һ.б. айыралар. П. өсөн уның материалы ныҡлығының, өҫкө йөҙө сифатының, структур хәленең билдәле ҡиммәттәре булыуы хас. Башҡортостанда П. (табаҡ, металлокорд, катанка һ.б.) төп етештереүсеһе – Белорет металлургия комбинаты. Өфө моторҙар эшләү производство берекмәһендә газ турбиналы двигателдәрҙең көрәкселәре өсөн периодик П. сығаралар. 20 б. 90-сы йй. Металдарҙың үтә һығылмалылығы проблемалары институтында субмикро- һәм нанокристаллик структуралы теләһә нидәй оҙонлоҡтағы параметрҙары сикләнгән цилиндрик әҙерләмәләрҙе формалау өсөн П. алыу технологияһы (радиаль шыуҙырып прокатлау) эшләнгән.

Н.П.Барыкин

Тәрж. Р.Ғ.Ғилманов

 

 

 

Яндекс.Метрика