СВИНУХОВ Анатолий Григорьевич (17.11.1937, БР‑ҙың Стәрлетамаҡ р‑ны Помряскин а.), инженер‑технолог. Техник ф. д‑ры (1985), проф. (1990). ӨНИ‑не тамамлаған (1964). 1958 й. алып “Салаватнефтеоргсинтез” ПБ‑нда эшләй: 1966 й. — баш инженер, 1972 й. — аммиак з‑ды дир., 1974 й. — ген. дир. урынбаҫары, 1977 й. башлап комб‑ттың баш инженеры. 1981—87 йй. Бөтә союз “Союзнефтеоргсинтез” ПБ‑ның Яңы техника б‑са идаралығының нач. урынбаҫары (Мәскәү), СССР‑ҙың нефтехимия сәнәғәте Министрлығы идаралығының баш технигы, бер үк ваҡытта И.М.Губкин ис. Мәскәү нефть һәм газ акад. уҡыта. Фәнни‑производство эшмәкәрлеге углеводород сеймалын юғары т‑рала гомоген пиролиз өлк. тикшереүгәбәйле. С. ҡатнашлығында конвертирланған газды моноэтаноламин таҙартыу м‑н ыңғай нефть газдарының бергәлекле конверсия процесы үҙләштерелә. Уның етәкс. аммиак, этилен һәм пропилен (ЭП‑60), каталитик риформинг етештереүҙә автоматлаштырылған идара итеү системалары һ.б. индерелә. 150‑нән ашыу фәнни хеҙмәт, 38 уйлап табыу авторы.

 

                                                                            В.А.Потеряхин                                             

                                                  Тәрж. Й.Ш.Мөхәмәтйәров    

 

Яндекс.Метрика