САЛАЗКИН Сергей Николаевич (28.1.1938, Брянск ҡ.), химик‑технолог. Химия ф. д‑ры (1979), проф. (1984). РФ‑тың атҡ. фән эшмәкәре (2003). Мәскәү химия‑технология ин‑тын тамамлағандан һуң (1960) 1975 й. тиклем һәм 1986 й. алып РФА‑ның А.Н.Несмеянов ис. Элементорганик берләшмәләр ин‑тында (Мәскәү) эшләй: 1969 й. башлап өлкән ғилми хеҙм‑р, 1987 й. – төп ғилми хеҙм‑р, 1992 й. – баш ғилми хеҙм‑р, 2001 й. – лаб. мөдире, бер үк ваҡытта 1999 й. алып Органик химия ин‑тының (Өфө) баш ғилми хеҙм‑ре һәм ғилми консультанты. 1975 й. башлап Химия ин‑тының (Өфө) лаб. мөдире; 1984 й. алып Дәүләт лак‑буяу сәнәғәте ғилми‑тикшеренеү һәм проект ин‑тында (Мәскәү). Фәнни хеҙмәттәре поликонденсацияны тикшереүгә, юғары температураға сыҙамлы полимерҙар эшләүгә, цикллы‑сыбырлы таутомерияға һәләтле мономерҙарҙың табаҡлы быялаһын етештереүгә арналған. С. тарафынан йүнәлешле синтездың, кардалы полимер үҙенсәлектәрен көйләүҙең фәнни нигеҙҙәре эшләнә; тәүге тапҡыр ҡатмарлы эфир бәйләнешенә эпоксидтар индереү реакцияһы табыла. С. етәкс. поликетондар, ‑сульфондар, ‑антрахинондар, ‑акрилаттар, феноксифталид фрагментлы полимерҙар синтезлана, арматураланған пластик массалар, диэлектрик үҙенсәлектәре яҡшыртылған полимер плёнкалар һ.б. эшләнә. 200‑ҙән ашыу фәнни хеҙмәт, 80 уйлап табыу авторы.

Хеҙм.: Ароматические полимеры на основе псевдохлорангидридов //Высокомолекулярные соединения. Серия Б. 2004. Т.46. №7.

Ю.Б.Монаков

Тәрж. Л.Н.Абдрахманова

 

Яндекс.Метрика