ПТАШКО Олег Анатольевич (30.3. 1962, БАССР‑ҙың Дәүләкән р‑ны Ивангород а.), химик. Химия ф. д‑ры (2007). БДПИ‑ны тамамлағандан һуң (1985) Салауат ҡ. эшләй: 8‑се (1986 й. тиклем) һәм 14‑се (1987) урта мәктәптәр уҡытыусыһы. 1988 й. башлап Органик химия ин‑тында, 1992—96 йй. Нефтехимия һәм катализ ин‑тында эшләй. 2000 й. алып Ҡатламдарҙың нефть биреүсәнлеген арттырыу ҒТИ‑ның лаб. мөдире, 2004 й. — Нефттең химик механика үҙәгендә төп ғилми хеҙм‑р, 2006 й. — лаб. мөдире. Фәнни эшмәкәрлеге нефть, тәбиғи газдарҙы табыу, уларҙы йыйыу, ташыу өсөн реагенттар булдырыуға арналған. П. ҡатнашлығында металл комплекслы катализ файҙаланып алкилпиридин, хинолин, фенантролин, нафтиридин, металл эшкәртеү пр‑тиелары өсөн көкөртлө полифункциональ майлау присадкаларын синтезлау ысулдары эшләнә. П. етәкс. ПК‑Ф, ИКУ‑1М, ИКУ‑1С, НИК‑1 маркалы коррозия ингибиторҙары, өҫкө йөҙҙә актив матдәләр (Неофор‑25), ингибитор (Инфор‑1), тоҙ ҡатламдарын эреткес (РИД‑1), гель барлыҡҡа килтереүселәр (Гентан, Геопан‑М) һәм нефть биреүсәнлекте арттырыусы эмульгаторҙар (БФАН‑1, БФАН‑К) эшләнә. 90‑дан ашыу фәнни хеҙмәт, 30 уйлап табыу авторы.

Х е ҙ м.: Нефтепромысловая химия: осложнения в системе пласт‑скважина‑УППН. М., 2008 (авторҙ.); Кислотные обработки: составы, механизмы реакций, дизайн. Уфа, 2010 (авторҙ.); Ингибиторная защита нефтепромыслового оборудования от коррозии и солеотложений. Уфа, 2013 (авторҙ.).

У.М.Джемилев

Тәрж. Й.Ш.Мөхәмәтйәров

 

 

Яндекс.Метрика