СУРКОВА Валентина Константиновна (31.7.1941, БАССР‑ҙың Шишмә р‑ны Шишмә а., хәҙ. БР‑ҙың ш. уҡ р‑ны Шишмә ҡсб), офтальмотравматолог. Мед. ф. д‑ры (1998). РФ‑тың (1998) һәм БАССР‑ҙың (1988) атҡ. табибы, СССР‑ҙың һаулыҡ һаҡлау отличнигы (1979). БДМИ‑ны тамамлағандан һуң (1966) Бөрө ҡ. трахоматоз диспансерында эшләй. 1968—73 йй. һәм 1976 й. алып Өфө күҙ ауырыуҙары ҒТИ‑нда: 1977 й. — ғилми секретарь, 1986 й. — фәнни эштәр б‑са дир. урынбаҫары. Фәнни эшмәкәрлеге күреү ағзалары травмаларында туҡымаларҙың регенерация механизмдарын һәм уларҙың эҙемтәләрен тикшереүгә, күҙҙең алғы бүлегенә реконструктив операциялар эшләүгә, яраларҙы уңалтыусы дауалау препараттарының һөҙөмтәлелеген уйлап табыуға һәм өйрәнеүгә арналған. С. тарафынан иридопластикала ҡулланылған төрлө трансплантаттарға гистологик характеристика бирелә, уның ҡатнашлығында керакол, азидарег препараттары, гөлйемеш, каротолин һ.б. майҙар нигеҙендә эшләнгән күҙ маздары уйлап табыла. 250 фәнни хеҙмәт һәм 36 уйлап табыуавторы.

Хеҙм.: Пластическая хирургия радужки. Уфа, 1997 (авторҙ.); Витреоретинальная хирургия при заболеваниях и травмах глаз. Уфа, 2008 (авторҙ.).

Тәрж. Г.А.Миһранова

 

Яндекс.Метрика