СУРКОВ Владимир Анатольевич (21.12.1964, Өфө), кардиохирург. Мед. ф. д‑ры (2003). БДМИ‑ны тамамлағандан һуң (1988) Стәрлетамаҡ үҙәк ҡала дауаханаһында, 1989 й. алып Өфөнөң 6‑сы дауаханаһында эшләй. 2001 й. башлап Республика кардиология диспансерында (2006 й. — бүлек мөдире), бер үк ваҡытта БДМУ‑ла уҡыта. Фәнни эшмәкәрлеге йөрәктең ишемия ауырыуын, аневризмды һәм йөрәк етешһеҙлектәрен (ш. иҫ. яңы тыуған балаларҙа), йөрәк клапандарын биопротезлау һ.б. хирургик дауалау ысулдарын эшләүгә һәм камиллаштырыуға арналған. С. ҡатнашлығында йөрәк етешһеҙлектәре м‑н тыумыштан һәм тормошта барлыҡҡа килгән ауырыуҙарҙың үпкә гипертензияһын, операциянан һуңғы эренле‑септик өҙлөгөүҙәрҙе, йөрәк клапандарын, артерияларҙың материаль эмболияһын протезлауҙа  тромбоэндокардитты иҫкәртеү һ.б. дауалау ысулдары эшләнгән. 130‑ҙан ашыу фәнни хеҙмәт һәм 8 уйлап табыу авторы.

Хеҙм.: Профилактика осложнений в хирургии пороков митрального клапана. Уфа, 2003 (авторҙ.).

Тәрж. Г.А.Миһранова

 

Яндекс.Метрика