СӨЛӘЙМӘНОВ Рим Солтан улы (3.1.1949, БАССР-ҙың Ауырғазы р-ны Яңы Ҡарамалы а., хәҙ. БР-ҙың ш. уҡ р-ны), хужалыҡ эшмәкәре. Техник ф. канд. (1993). РФ-тың атҡ. нефть һәм газ сәнәғәте хеҙм-ре (1992), БР-ҙың атҡ. нефтсеһе (1998), СССР-ҙың газ сәнәғәте (1984) һәм РФ-тың яғыулыҡ‑энергетика комплексының почётлы хеҙм-ре (1998). ӨНИ-не тамамлағандан һуң (1971) “Игримгаз” газ промыслаһы идаралығы операторы, өлкән инженер (Төмән ҡ.), 1973 й. алып “Надымгазпром” берекмәһенең газ промыслаһы идаралығында өлкән инженер, бүлек нач., баш инженер; 1979 й. алып “Газпром добыча Уренгой” ЯСЙ дир. урынбаҫары, 1982 й. баш инж., 1986 й. ген. директор. Фәнни-производство эшмәкәрлеге Көнбайыш Себерҙең нефть һәм газ ятҡылыҡтарын үҙләштереүгә бәйле. 150-нән ашыу фәнни хеҙмәт һәм 20 уйлап табыу авторы. СССР Дәүләт (1987), Ленин комсомолы пр. (1981) лауреаты. Хеҙмәт Ҡыҙыл Байраҡ (1979), 4-се дәрәжә “Ватан алдындағы хеҙмәттәре өсөн” (1999), Дуҫлыҡ (1996) орд. м-н бүләкләнгән.

Тәрж.  Г.Ҡ. Ҡунафина

 

 

 

Яндекс.Метрика