СТРИГИН Владимир Александрович (15.4.1923, Өфө), иммунолог‑аллерголог. Мед. ф. д‑ры (1973), проф. (1983). БАССР‑ҙың атҡ. фән эшмәкәре (1984), БАССР‑ҙың атҡ. табибы (1980). БДМИ‑ны тамамлағандан һуң (1949) “Иммунопрепарат” пр‑тиеһында эшләй: 1954 й. алып вирус инфекциялары, 1959 й. — эпидемиология бүлеге, 1965 й. — иммунология, 1969 й. — аллергия, 1983 й. башлап иммун‑аллергология лаб. мөдире, 1997—2007 йй. ҡан препараттары лаб. баш ғилми хеҙм‑ре. Фәнни эшмәкәрлеге Башҡортостанда бөйөр синдромлы геморрагик биҙгәктеңһәм ку‑риккетсиоздың тәбиғи сығанаҡтарын асыҡлауға һәм тикшереүгә, аллергияға ҡаршы дарыуҙарҙың йоғонтоһон өйрәнеүгә арналған. С. ҡатнашлығында аллергик процесс м‑н күп векторлы идара итеү концепцияһы уйлап табыла, аллергияға ҡаршы иммуноглобулин, поллиноз һәм бәшмәк аллергияһын диагностикалау, дауалау өсөн 28‑гә яҡын препарат сығарыла һәм етештереүгә индерелә, тригистаглобулин, гистасеротоглобулин препараттары һ.б. эшләнә. 160‑тан ашыу фәнни хеҙмәт һәм 6 уйлап табыу авторы. Башҡ‑н аллергологтары йәмғиәте рәйесе (1971—96).

Хеҙм.: Неспецифические свойства препаратов иммуноглобулинов. М., 1979 (авторҙ.); Антиаллергические иммуноглобулиновые препараты. Уфа, 1997 (авторҙ.).

 Н.А.Поспеева

Тәрж. Г.А.Миһранова

 

 

 

Яндекс.Метрика