“СТИН” производство компанияһы, ЯСЙ. Ҡул, пневматик, электр, төҙөлөш инструменттары, машиналар эшләү һәм етештереү м-н шөғөлләнә. Белорет ҡ. урынлашҡан. Составына әҙерләү, механика, инструменталь цехтары; ҡойоу һәм йыйыу участкалары инә. Спорт клубы, “Алтын асҡыс” ял базаһы бар. 2009 й. 409 кеше эшләгән; етештерелгән (мең дана): бетон бутағыстар – 33,7, ватыу сүкештәре – 4,3, буяу пульттары – 8,9. Продукцияһы БР-ҙа, РФ-та һәм яҡын сит илдәрҙә һатыла. 1987 й. Белорет механикалаштырылған төҙөлөш инструменттары з-ды булараҡ ойошторола, 1995 й. алып “Белорет механикалаштырылған инструмент заводы” ААЙ (20 төр инструмент, ш. иҫ. электр дрелдәре, электр бысҡыһы, электр һәм пневмошымартыу машиналары, пневмосүкештәр, бетон ватҡыстар эшләп сығара), 2000 й. алып “Стройинструмент”, 2006 й. хәҙ. исемен һәм статусын ала. “Башҡортостандың иң яҡшы тауарҙары” конкурсы лауреаты (2008).

Тәрж. Г.Ҡ. Ҡунафина

Яндекс.Метрика