СТӘРЛЕТАМАҠ ҺӨТ КОМБИНАТЫ, “Аллат” ЯАЙ (Өфө) филиалы, 100-гә яҡын төр продукция етештерә. Составына ҡабул итеү-ҡойоу; стерилләнгән һөт һәм киптерелгән һөт продукттары, май һәм шәрбәткә манылған татлы эремсек, сыр, эремсек цехтары инә. 2009 й. 608 кеше эшләгән; 34,9 мең т продукция етештерелгән. Продукцияһы БР-ҙа һәм РФ-та һатыла. 1956 й. Стәрлетамаҡ ҡала һөт з-ды булараҡ нигеҙ һалына, 1972 й. хәҙ. исемен ала, 1996 й. алып ААЙ, 2009 й. хәҙ. статусын йөрөтә. Комб-т продукцияһы халыҡ-ара, бөтә Рәсәй һәм төбәк һ.б. күргәҙмәләрҙең алтын, көмөш, бронза миҙалдарына һәм дипломдарына лайыҡ булған (2002–03, 2008–09).

Тәрж. Г.Ҡ. Ҡунафина

 

Яндекс.Метрика