СТӘРЛЕТАМАҠ ТӨҘӨЛӨШ МАШИНАЛАРЫ ЗАВОДЫ, ААЙ. Свай ҡағыу, копёр һәм бульдозер‑йомшартҡыс ҡорамалдары етештерә. Составына инструменталь (1979 й. нигеҙ һалына), әҙерләү‑иретеп йәбештереү, йыйыу, эксперименталь, ремонт-энергетика, ремонт‑механика (бөтәһе лә — 1980), транспорт (1985) цехтары; ремонт‑төҙөлөш идаралығы (1982) инә. 2009 й. 564 кеше эшләгән. Продукцияһын ҡулланыусылыр — БР һәм РФ‑тың башҡа төбәктәренең, яҡын__сит илдәрҙең төҙөлөш комплекстары, сеймал табыу сәнәғәте пр‑тиелары. 1943 й. Төҙөлөш машиналары з‑ды булараҡ нигеҙ һалына, 1944 й. сафҡа индерелә (50‑се йй. бетон иҙгестәр, таҡта ярыу рамалары, 60‑сы йй. — свай ҡағыу өсөн дизель сүкештәре, 70‑се йй. — копёр ҡулайламалары, 80‑се йй. — ауыр торба һалғыстар өсөн аҫмалы ҡорамалдар, 2009 й. — свай ҡағыу өсөн гидравлик сүкештәр етештереү үҙләштерелә); 2002 й. хәҙ. исемен һәм статусын ала.

Тәрж. Г.Ҡ.Ҡунафина

 

Яндекс.Метрика