СТӘРЛЕТАМАҠ ТЭЦ-ы, “Башкирэнерго” ААЙ бүлендек йәмғиәтенең “Башҡортостан генерациялау компанияһы” ЯСЙ филиалы. Электр һәм йылылыҡ энергияһы етештерә. Составына ҡаҙанлыҡ, турбина, электр, химия, йылылыҡ автоматикаһы һәм үлсәүҙәр, ремонт-төҙөлөш, техник хеҙмәтләндереү цехтары инә (бөтәһе лә 1957 й. төҙөлә). 2009 й. 463 кеше эшләгән; 1515,9 млн кВт•сәғ. электр һәм 2670 мең Гкал йылылыҡ энергияһы етештерелгән. Продукцияһын ҡулланыусылар – БР һәм РФ халҡы һәм пр-тиелары. 1952 й. “Башкирэнерго” составында нигеҙ һалына, 1957 й. тәүге сираты сафҡа индерелә (электр ҡеүәте 25 мең кВт, 1983 й. – 511 мең кВт тәшкил итә), 1992 й. башлап “Башкирэнерго”, 2006 й. алып уның бүлендек йәмғиәте филиалы. 1957–2009 йй. пр‑тие тарафынан 129 млрд кВт•сәғ. электр һәм 367,3 млн Гкал йылылыҡ энергияһы етештерелгән. Пр-тие м-н Ш.Р.Әбдрәшитов һ.б. эшмәкәрлеге бәйле.

Тәрж. Г.Ҡ. Ҡунафина

 

Яндекс.Метрика