“СТЕКЛОНИТ”, ААЙ. Быяла сүс әйберҙәр эшләү производствоһы. Өфөлә урынлашҡан. Составында өҙлөкһөҙ быяла сүс етештереү, һүтеү-урау, туҡыу цехтары; геомат етештереү, әҙер продукцияны төрөү участкалары бар. 2009 й. 1138 кеше эшләгән; 3482 т – быяла сүс, 3495 мең м2 – юл селтәре, 10233 мең м2 – торба изоляциялау өсөн, 6099 мең п.м. – түбә өсөн быяла туҡыма, 2476 мең п.м. – тауар туҡымаһы етештерелгән. Продукцияһы БР‑ҙа һәм РФ‑та һатыла, яҡын һәм алыҫ сит илдәргә сығарыла. 1958 й. нигеҙ һалына, 1961 й. Өфө туҡыма быяла сүс з-ды булараҡ файҙаланыуға индерелә, 1991 й. алып ҠП, 1993 й. хәҙ. исемендәге ЯАЙ, 2002 й. хәҙ. статусын ала. Пр‑тиела РФ-та тәүге тапҡыр мультиаксиаль туҡымалар алыу (2007), геоматтар, мультиаксиаль ташлы табаҡтар етештереү, ровингты СВЧ-киптереү технологиялары индерелә (бөтәһе лә – 2008). Пр-тиеның продукцияһы “Пластмассалар индустрияһы” махсус күргәҙмәһенең алтын миҙалына лайыҡ була (Мәскәү, 2007). Халыҡтар дуҫлығы орд. м-н бүләкләнгән (1981).

Тәрж. Г.Ҡ. Ҡунафина

 

 

 

Яндекс.Метрика