СПИРИН Владимир Степанович (2.7.1923, Сембер губ. Вальдиватское а. – 2002, Спасск-Рязанский ҡ.), иҡтисадсы. Иҡт. ф. канд. (1965), проф. (1988). БАССР-ҙың атҡ. фән эшмәкәре (1977). Б.В. һуғышында ҡатнашыусы. Бөтә Союз юридик ситтән тороп уҡыу ин-тын тамамлаған (Мәскәү, 1954). 1948 й. алып Ағиҙел йылға пароходсылығы, 1957 й. – Башҡ-н ХХС-ы машиналар эшләү идаралығы баш бухгалтеры. 1964–93 йй. ӨДАТУ-ла: 1973–76 йй. иҡт. һәм производствоны ойоштороу каф. мөдире, бер үк ваҡытта 1974–75 йй. инженер-иҡт. ф-ты деканы, 1982–84 йй. авиация производствоһын ойоштороу һәм планлаштырыу каф. мөдире. Фәнни эшмәкәрлеге машиналар эшләүҙә етештереү һөҙөмтәлелеген күтәреү факторҙарын ойоштороуға һәм уларҙы иҫәпкә алыу, анализлауҙың методик мәсьәләләренә арналған. 100-ҙән ашыу фәнни хеҙмәт авторы. Ҡыҙыл Байраҡ орд. м-н бүләкләнгән (1945).

Хеҙм.: Бухгалтерия в системе управления машиностроительным предприятием. М., 1976; Организационные основы бухгалтерии предприятия. М., 1977.

Тәрж.  Г.Ҡ. Ҡунафина

 

Яндекс.Метрика