СНАЧЁВ Владимир Иванович (8.11. 1955, Людиново ҡ.), геолог. Геол.- минералогия ф. д‑ры (1993), проф. (2012). БР‑ҙың атҡ. фән эшмәкәре (2001). МДУ‑ны тамамлағандан һуң (1978) Геология ин‑тында эшләй: инженер, 1985 й. алып өлкән ғилми хеҙм‑р, 1993 й. — төп ғилми хеҙм‑р, 1997 й. — мәғдән ятҡылыҡтары лаб. мөдире. Фәнни эшмәкәрлеге Урал тауы формалашыуының геодинамик шарттарын һәм магматизмын, габбро-гипербазит массивтарының, ҡара һәүерташлы формацияларҙың мәғдәнле булыуын тикшереүгә арналған. С. тарафынан Көньяҡ Уралдың углеродлы ултырмалары һәм магматик ҡатламдары өйрәнелгән, Көньяҡ Уралдың көнсығыш битләүе үҫешенең геодинамик моделе тәҡдим ителгән, тәүге тапҡыр Көнсығыш Урал палеорифт системаһы айырып күрһәтелгән. 250‑нән ашыу фәнни хеҙмәт авторы.

Х е ҙ м.: Магматизм Восточно‑Уральского пояса Южного Урала. Уфа, 1990 (авторҙ.); Петрогеохимические особенности пород и руд габбро- гипербазитовых массивов Крака. Уфа, 2001 (авторҙ.); Геология, петрогеохимия и рудоносность углеродистых отложений Южного Урала. Уфа, 2012.

Тәрж. Г.М.Ғәлиева

Яндекс.Метрика